ஆ! ரம்பம்...

வழக்கமான பழி வாங்கும் படலத்திற்கு புதுமைச் சாயம் பூசும் ஒரு வாடிக்கையான முயற்சி. ஆனால் விஷுவலில் மட்டுமே சாயம் சற்றே வெளிப்பட்டிருப்பது ஏமாற்றம். மற்றபடி கதையும் காட்சியமைப்பும் பார்த்து சலித்த பழஞ்சாயமே!
பின்னனி இசை அருமை. சண்டை காட்சிகள் அற்புதமாக அமைக்கப்பட்டுள்ளன. அஜித், நயன்தாரா, கிஷோர், ராணா போன்றோரின் நடிப்பு ப்ளஸ். வசனம் பல இடங்களில் 'நச்'.
அஜித் அழகுதான். ஆனால் உடற்கட்டில் கவனம் தேவை. ஆர்யா - டாப்ஸி நல்ல ஜோடி... இருவருக்குமே நடிப்பு வரவில்லை. பாடல்கள் (முக்கியமாக பாடல் வரிகள்) மைனஸ்.
மொத்தத்தில் விஷ்ணுவர்தன் - அஜித் கூட்டணி ஏற்படுத்திய எதிரபார்ப்பை படம் நெருங்கவில்லை.

மூடர் கூடம் - என் பார்வையில்

தொடக்கம் முதல் அடக்கம் வரை படத்தில் உள்ள ஓராயிரம் லாஜிக் ஓட்டைகளையும் தலைப்பு ஒன்றை வைத்து ஒன்றுமில்லாமல் செய்து விட்ட இயக்குநரை பாராட்டாமல் இருக்க முடியவில்லை. திரைக்கதை அமைத்த விதம் சமீபத்திய படங்களில் இருந்து மூடர் கூடத்தை வித்தியாசப்படுத்திக் காட்டுகிறது. குறிப்பாக ஒவ்வொரு கதாபாத்திரத்தின் முன்கதைகளை சொன்ன விதம் ஷார்ட் & ஸ்வீட். நடிப்பை பொறுத்த வரை கிட்டத்தட்ட அனைவரும் தத்தம் பணிகளை செவ்வனே செய்து விட்டனர்.
எனினும் படத்தின் தொடக்கத்தில் "அட" போட வைக்கும் அதே விஷயங்கள் போகப்போக சலிப்பு தட்ட தொடங்கி விடுகிறது. அந்த அளவிற்கு படம் மொனட்டொனஸாக இருப்பது மைனஸ். படத்தில் ஆங்காங்கே சொல்லப்படும் மெசேஜஸ் "மூடர்"களின் மத்தியில் காணாமல் போய் விடுகிறது. காமெடி சில இடங்களில் நச்சென்று இருந்தாலும் சில காமெடிகள் மீண்டும் மீண்டும் வருவது போல் ஒரு உணர்வு.
மொத்தத்தில் படத்தின் நீளத்தை குறைத்திருந்தால் நன்றாக ரசித்திருக்கும்.